Transcription
1
Reçue à Grenoble, le 23 mars 1573. Répondue.
2
Monsieur jay receu votre lettre du vingtième, ensemble les novelles de monsieur
3
Bellièvre, lesquelles javois desià entendu du costé de Chambery à mon
4
grand regret. Je prie à Notre Seignieur quil conserve le demorant des
5
princes et de la noblesse qui nous peult apartenir de sang et damitié;
6
et quant à ceulx d'Ambrun, monsieur, qui vous donnent asseurance de se
7
bien garder. Je prie aussy à Dieu quilz le facent, mais je crains
8fort qu si ceulx de [barré : Gap ] Champsor remuent comme [barré : me ] monsieur le vibaly [barré : ma escript ]
9
de Gap ma escript quilz en font contenance, ou quilz leur vinst
10
quelque force sus les bras quilz ne se treuvassent bien estonnés
11
sans chef qui leur commanda. Vous verrés aussy monsieur, par
12
la lettre que mescript le vibaly d'Ambrun qui est cy joincte, la division
13
quest entre luy et ceulx d'Ambrun, à quoy il vous plairra de
14
pourvoyr avant votre despart de Grenoble; et sil vous plaict,
15
monsieur, de fère bailher voz lettres au moyen de mon nepveu. Le
16
messagier d'Ambrun qui ne peult partir jusques à demain dycy
17
les retirera ou bien il vous suyvra sil vous plaict de le commander. Ledit
18
messagier sest arresté icy pour faire ses pasques. Au demeurant,
19
monsieur, je ne vous scarés dire comme je regrette votre eslognement
20
de ses cartiers, mais, sachant que ce nest sans juste occasion, je ne
21
puys sinon vous offrir en votre absence ce que vous est dedié aussy
22
pour la presence qui est la personne et tout ce qui en despend pour vous
23
faire très humble service, vous suppliant, monsieur, que je ne soys eslogné
24
de votre bonne grace, à laquelle je desire estre aultant entretenu que
25
[47 v°] de personne qui vive et ce daussy bon cueur, comme je prie Dieu quil
26
vous veille donner
27
monsieur, en très bonne sancté très longue et très heureuse vie. De Notre
28
Dame de Myans, le XXIIe de mars 1573
29
votre très humble allié et
30
serviteur G. davanson A.
31
dambrun.